కాంగ్రెసుకు పాశ్వాన్ షరతులు

న్యూఢిల్లీ: ప్రభుత్వ ఏర్పాటుకు మద్దతివ్వడానికి లోకజనశక్తి నేత రాం విలాస్ పాశ్వాన్ షరతులు పెడుతున్నారు. ప్రభుత్వంలో చేరడానికి తనను, ఆర్జెడి నేత లాలూ ప్రసాద్ యాదవ్ ను సోనియా గాంధీ అహ్వానిస్తేనే కాంగ్రెసుతో ఉంటామని ఆయన చెప్పారు. సోనియా అహ్వానిస్తేనే తాము కాంగ్రెసుతో కూర్చుని చర్చలు జరుపుతామని ఆయన అన్నారు.

ఎన్నికలకు ముందు పొత్తు సాధ్యం కాదని వారు ముందే చెప్పారని, ఫలితాలు వెలువడిన తర్వాతనే మద్దతుపై ఆలోచన చేస్తామని ఆయన చెప్పారు. బీహార్ లో ఎన్డీయె ప్రభుత్వాన్ని కూల్చడం, ఉత్తరప్రదేశ్ లో బిజెపిని తుడిచి పెట్టడం తమ లక్ష్యమని తాను, లాలూ, ఎస్పీ అధ్యక్షుడు ములాయం సింగ్ యాదవ్ చెప్పామని ఆయన గుర్తు చేశారు.