చిరుతో అమెరికన్ దౌత్య అధికారి భేటీ

హైదరాబాద్: హైదరాబాద్‌లోని అమెరికా కాన్సులేట్‌ జనరల్‌ కేర్‌ ఎల్‌. కార్లిన్స్‌ ప్రజారాజ్యం పార్టీ అధినేత చిరంజీవిని కలవనున్నారు. మంగళవారం సాయంత్రం 4.30కి చిరుతో కార్లిన్స్‌ భేటీ కానున్నట్టు విశ్వసనీయ వర్గాలు తెలిపాయి. అమెరికాకు చెందిన ఒక అధికారి, భారత దేశానికి చెందిన ఒక ప్రాంతీయ పార్టీ సారథితో సమావేశం అవుతుండడం విశేషం.

ఎన్నికల ఫలితాలు వెలువడడానికి నాలుగు రోజుల ముందు ఇది జరుగుతుండడం రాజకీయ వర్గాల్లో ఆసక్తిని రేకెత్తిస్తోంది. నిజానికి కార్లిన్స్‌ సోమవారమే చిరుతో సమావేశమైనట్టు పెద్ద ఎత్తున ప్రచారం జరిగింది. కానీ అది నిజం కాదని తేలింది.