వైయస్ కు పదవి యావే: బాబు

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డికి పదవిపైనే యావ అని, ప్రజా సమస్యలు పట్టవని తెలుగుదేశం పార్టీ అధ్యక్షుడు నారా చంద్రబాబునాయుడు వ్యాఖ్యానించారు. జిల్లా సమీక్షా సమావేశంలో ఆయన మంగళవారం ప్రసంగించారు. రాష్ట్రంలో కలరా వ్యాపిస్తుంటే వైయస్ రాజశేఖర రెడ్డి పట్టించుకోవడం లేదని ఆయన విమర్శించారు. ఆర్థిక మంత్రి కె. రోశయ్యకు హెల్త్ ఎమర్జెన్సీ అంటే ఏమిటో తెలియదని ఆయన అన్నారు. రోశయ్య తమపై విమర్శలు మానుకుని ప్రజలను పట్టించుకోవాలని ఆయన అన్నారు.

అన్ని రాష్ట్రాల్లోనూ ప్రాంతీయ పార్టీలదే హవా అని ఆయన అన్నారు. కేంద్రంలో తృతీయ ఫ్రంట్ అధికారంలోకి వస్తుందని ఆయన ధీమా వ్యక్తం చేశారు. ఎన్డీయెకు గానీ, యుపిఎకు గానీ అధికారంలోకి వచ్చే అవకాశాలు లేవని ఆయన అన్నారు. ఫలితాల వెల్లడి తర్వాత తృతీయ ఫ్రంట్ సమావేశం జరుగుతుందని ఆయన చెప్పారు.