చంద్రబాబుకు కారత్ ఫోన్

హైదరాబాద్‌: రాష్ట్రంలోని మహాకూటమికి చెందిన తెలంగాణ రాష్ట్ర సమితి (తెరాస) బిజెపి వైపు వెళ్లడంతో తృతీయ కూటమిలో కలవరం మొదలైంది. దీంతో సిపిఎం ప్రధాన కార్యదర్శి ప్రకాష్ కారత్ సోమవారం సాయంత్రం తెలుగుదేశం పార్టీ అధ్యక్షుడు నారా చంద్రబాబునాయుడికి ఫోన్ చేశారు. ఎన్డీయెకు మద్దతిస్తున్నట్లు తెరాస అధ్యక్షుడు కె.చంద్రశేఖర రావు ప్రకటించడంపై, ఇతర అంశాలపై కారత్ చంద్రబాబుతో మాట్లాడినట్లు సమాచారం.

కేంద్రంలో కాంగ్రెసు, బిజెపిలకు ప్రత్యామ్నాయంగా మూడో ప్రభుత్వ ఏర్పాటుకు సహకరించాలని కారత్ చంద్రబాబును కోరినట్లు తెలుస్తోంది. తాము కేంద్రంలో తృతీయ కూటమితోనే ఉంటామని చంద్రబాబు కారత్ కు స్పష్టం చేసినట్లు సమాచారం. సిపిఐ రాష్ట్ర కార్యదర్శి కె.నారాయణ కూడా చంద్రబాబుతో మాట్లాడారు.