బాబుతో చర్చించలేదు: వెంకయ్య

హైదరాబాద్‌: తమ పార్టీతో పొత్తు కోసం తాను తెలుగుదేశం పార్టీ అధ్యక్షుడు నారా చంద్రబాబు నాయుడితో చర్చించలేదని బిజెపి సీనియర్ నేత ఎం. వెంకయ్యనాయుడు స్పష్టం చేశారు. తాను ప్రజారాజ్యం పార్టీ అధినేత చిరంజీవితోనూ మాట్లాడలేదని ఆయన చెప్పారు. ఎన్డీయెకు మద్దతు కూడగట్టడానికి తాను చంద్రబాబుతోనూ, చిరంజీవితోనూ మాట్లాడుతున్నట్లు జరుపుతున్నట్లు వచ్చిన వార్తల్లో నిజం లేదని ఆయన మంగళవారం మీడియా ప్రతినిధులతో అన్నారు.

చంద్రబాబు, చిరంజీవి చిన్న పిల్లలు కారని ఆయన వ్యాఖ్యానించారు. ఫలితాలు వెలువడిన తర్వాతనే పొత్తులపై తాము ఇతర పార్టీలతో చర్చలు సాగిస్తామని ఆయన చెప్పారు. చంద్రబాబుతోనో, చిరంజీవితోనో మంతనాలు జరపడానికి తాను ఈ మధ్య కాలంలో హైదరాబాదు కూడా రాలేదని ఆయన చెప్పారు.