చిరుతో మాట్లాడను: దాసరి

న్యూఢిల్లీ: ప్రజారాజ్యం పార్టీ అధ్యక్షుడు చిరంజీవితో తాను మాట్లాడడం లేదని రాజ్యసభ సభ్యుడు దాసరి నారాయణరావు స్పష్టం చేశారు. చిరంజీవితో మాట్లాడే ఆలోచన తనకు లేదని ఆయన చెప్పారు. తమకు చిరంజీవి మద్దతు అవసరం కూడా ఉండదని ఆయన చెప్పారు. చిరంజీవితో మాట్లాడే ప్రయత్నం కూడా చేయడం లేదని ఆయన అన్నారు.

గురువారంనాడు ఆయన కాంగ్రెస్‌ అధ్యక్షురాలు సోనియా గాంధీని ఆమె నివాసంలో కలిశారు. అనంతరం మీడియా ప్రతినిధులతో మాట్లాడారు. రాష్ట్రంలో ఓటింగ్‌ సరళి, గెలవబోయే సీట్లపై సోనియాకు ఒక నివేదిక అందజేసినట్లు ఆయన తెలిపారు. రాష్ట్రంలో హంగ్‌ వచ్చే ప్రసక్తే లేదని, కాంగ్రెస్‌ ఒంటరిగానే అధికారంలోకి వస్తుందని ధీమా వ్యక్తం చేశారు.