రాష్ట్రంలో ఎవరికి పట్టం?

హైదరాబాద్: కొద్ది సేపట్లో రాష్ట్రంలో అధికారంలోకి రాబోయేది ఎవరనేది తేలిపోతుంది. రాష్ట్ర ఓటర్లు ఎవరికి పట్టం కట్టబోతున్నారనేది తేలిపోతుంది. గత నెల రోజులుగా నెలకొన్న ఉత్కంఠకు తెరపడుతుంది. తెలుగుదేశం, కాంగ్రెసు, ప్రజారాజ్యం పార్టీల అధినేతలు ఎవరికి వారే పైకి దీమా వ్యక్తం చేస్తున్నారు. అయితే వారికి లోలోపల గుబులుగానే ఉంది. ముఖ్యమంత్రి వైయస్ రాజశేఖర రెడ్డి తెలుగుదేశం పార్టీ అధ్యక్షుడు నారా చంద్రబాబునాయుడు, ప్రజారాజ్యం పార్టీ అధినేత చిరంజీవి అంతరంగాలు మాత్రం బయట పడడం లేదు.

మహా కూటమికి మెజారిటీ వస్తుదనే నమ్మకం వ్యక్తం చేస్తున్నారు. తెలుగుదేశం పార్టీకి మాత్రం ఆధిక్యత రాదని అంటున్నారు. ఈ స్థితిలో తెలుగుదేశం పార్టీ సిపిఐ, సిపిఎం, తెలంగాణ రాష్ట్ర సమితి (తెరాస)లతో కలిసి ప్రభుత్వాన్ని ఏర్పాటు చేస్తుందనే ఊహాగానాలు చెలరేగుతున్నాయి. చిరంజీవి తన నివాసంలోనే శనివారం ఉదయం ఉన్నారు. ప్రార్థనలు చేసిన అనంతరం ఫలితాలపై ఇంటి నుంచే సమీక్ష జరపబోతున్నారు.