రాహుల్ గాంధీపై ప్రశంసల జల్లు

న్యూఢిల్లీ : కేంద్రంలో కాంగ్రెస్‌ అధిక స్ధానాలు సంపాదించుకోవడంలో రాహుల్‌గాంధీ పోషించిన పాత్ర కీలకమని కాంగ్రెస్‌ యువ ఎంపీలు ఆయనపై ప్రశంసల జల్లు కురిపించారు. అజ్మీర్‌నుంచి ఎన్నికయిన సచిన్‌పైలెట్‌ మాట్లాడుతూ రాహుల్‌ చేసిన కృషి వల్లనే ఈ విజయం సాధ్యమైందని అన్నారు. ఉత్తరప్రదేశ్‌లో కాంగ్రెస్‌ తిరిగి పుంజుకోవడంలో రాహుల్‌గాంధీ పాత్ర చిరస్మరణీయమని ఆ రాష్ట్రంనుంచి గెలుపొందిన జితిన్‌ప్రసాద అన్నారు.రాహుల్ గాంధీకి కేబినెట్ మంత్రి పదవి ఇస్తామని ప్రధాని మన్మోహన్ సింగ్ నిన్న ప్రకటించిన విషయం తెలిసిందే.రాహుల్ గాంధీ ప్రధానమంత్రి కావలని ఆయన కోటరీ ఆకాంక్షిస్తోంది. అందుకు చాలా సమయముందని సోనియా కుటుంబ శ్రేయోభిలాషులు అభిప్రాయపడుతున్నారు.