హిందీ నిర్మాత ప్రకాష్ మెహ్రా మృతి

ముంబయి: ప్రముఖ బాలీవుడ్‌ చిత్ర నిర్మాత ప్రకాష్‌ మెహ్రా మృతి చెందారు. న్యుమోనియాతో ఆసుపత్రిలో చేరిన ఆయన శరీరంలో అవయవాలేవీ పనిచేయని స్థితిలో మృతి చెందారు. బిగ్‌బీ అమితాబ్‌ గుర్తింపుకోసం చిత్రసీమలో పోరాడుతున్న సమయంలో తన జంజీర్‌ చిత్రంలో ఆయనకు అవకాశం ఇచ్చారు. దీంతో అమితాబ్‌ కు స్టార్‌ డమ్‌ తెచ్చి పెట్టారు. ఆ చిత్ర అఖండ విజయంతో అమితాబ్‌ ప్రముఖహీరోగా మారిపోయారు.

అనంతరం ఆయన అమితాబ్‌ తోనే ముకద్దర్‌ కా సికందర్‌, లావారిస్‌, నమక్‌ హలాల్‌, షరాబీ వంటి సూపర్‌ హిట్‌ చిత్రాలను నిర్మించారు. జంజీర్‌ లోని విజయ్‌ అనే పేరు అమితాబ్‌ 19 సినిమాల్లో నిర్మాతలు వాడారు. అవన్నీ విజయవంతం కావటం విశేషం. ఉత్తరప్రదేశలోని బిజ్నోర్‌లో జన్మించిన ప్రకాష్‌ మెహ్రాకు 70 ఏళ్లు. ఆయనకు ఇద్దరు కుమారులు ఉన్నారు. సోమవారం మధ్యాహ్నం ఆయన అంత్యక్రియలు జరుగుతాయి.