లోకసభ రద్దుకు సిఫార్సు

న్యూఢిల్లీ: కేంద్ర మంత్రివర్గం సోమవారం 14వ లోకసభ రద్దుకు సిఫార్సు చేసింది. ప్రధాని డాక్టర్ మన్మోహన్ సింగ్ అధ్యక్షతన ఆయన నివాసంలో మంత్రివర్గం సమావేశమైంది. అనంతరం ప్రధాని మన్మోహన్ సింగ్ రాష్ట్రపతి ప్రతిభా పాటిల్ ను కలిశారు. తన మంత్రుల రాజీనామా లేఖలను మన్మోహన్ ఆమెకు అందించారు. తదుపరి ప్రభుత్వ ఏర్పాటుపై ఆయన రాష్ట్రపతితో చర్చించారు.

తదుపరి ప్రభుత్వ ఏర్పాటుకు రాష్ట్రపతి కాంగ్రెస్ నాయకత్వంలోని ఐక్య ప్రగతిశీల కూటమి (యుపిఎ)ను అహ్వానించే అవకాశాలున్నాయి. యుపిఎకు 261 లోకసభ స్థానాలు వచ్చి అతి పెద్ద కూటమిగా అవతరించింది.బిజెపి నాయకత్వంలోని ఎన్డీయె కన్నా వంద సీట్లు అధికంగా సాధించింది. యుపిఎకు 11 మంది సభ్యుల మద్దతు ఉంటే పూర్తి మెజారిటీ లభిస్తుంది.