ప్రజావాణి వినిపిస్తాం: చిరంజీవి

హైదరాబాద్: శాసనసభలో ప్రజా వాణిని వినిపిస్తామని ప్రజారాజ్యం పార్టీ అధ్యక్షుడు చిరంజీవి చెప్పారు. ప్రజారాజ్యం శాసనసభా పక్ష నేతగా ఆయన ఎన్నికయ్యారు. పార్టీ శాసనసభ్యులు సోమవారం సమావేశమై తమ పక్ష నేతగా చిరంజీవిని ఎన్నుకున్నారు. ఆ తర్వాత ఆయన మీడియా ప్రతినిధులతో మాట్లాడారు.

ప్రభుత్వం చేపట్టే అభివృద్ధి పనులకు సహకరిస్తామని, ప్రజా వ్యతిరేక చర్యలను అడ్డుకుంటామని ఆయన చెప్పారు. పార్టీలో వ్యవస్థాగతంగా మార్పులు చేస్తామని ఆయన చెప్పారు. పార్టీ కన్వీనర్ల సమావేశం ఏర్పాటు చేసి తగిన చర్యలు చేపడతామని ఆయన చెప్పారు. తమ పార్టీ శాసనసభా పక్ష ఉప నేతను రెండు రోజుల్లో ఎంపిక చేసుకోనున్నట్లు కూడా ఆయన తెలిపారు.