యుపిఎకు బిఎస్పీ బేషరతు మద్దతు

లక్నో: కాంగ్రెస్ నాయకత్వంలోని యుపిఎకు 21 మంది సభ్యులు గల బహు జనసమాజ్ పార్టీ (బిఎస్పీ) బేషరతుగా వెలుపలి నుంచి మద్దతు ఇవ్వాలని నిర్ణయించుకుంది. ప్రస్తుత పరిస్థితిని పరిగణనలోకి తీసుకుని ఈ నిర్ణయం తీసుకున్నట్లు, బిజెపిని అధికారానికి దూరం ఉంచాలనే లక్ష్యంలో భాగంగా యుపిఎకు మద్దతిస్తున్నట్లు బిఎస్పీ నేత మాయావతి పార్టీ కార్యకర్తల సమావేశంలో మంగళవారం చెప్పారు.

యుపిఎ విజయానికి తాను ఫలితాలు వెలువడిన రోజే యుపిఎ చైర్ పర్సన్ సోనియా గాంధీని, ప్రధాని మన్మోహన్ సింగ్ ను ఫోన్ లో అభినందించినట్లు ఆమె తెలిపారు. మంగళవారం ఉదయం జరిగిన పార్టీ జాతీయ కార్యవర్గం, పార్లమెంటరీ బోర్డు సమావేశమై యుపిఎకు మద్దతివ్వాలని నిర్ణయించుకున్నట్లు ఆమె తెలిపారు.