మంత్రి పదవి వద్దన్న డిఎస్

హైదరాబాద్: ప్రదేశ్ కాంగ్రెస్ కమిటీ (పిసిసి) అధ్యక్షుడు డి.శ్రీనివాస్ ముఖ్యమంత్రి డాక్టర్ వైయస్ రాజశేఖర రెడ్డి మంత్రివర్గంలో చేరడానికి నిరాకరించినట్లు సమాచారం. తన మంత్రివర్గంలో చేరాల్సిందిగా వైయస్ డిఎస్ ను అహ్వానించారు. ఈ మేరకు ఆయన ఫోన్ చేసి డిఎస్ కు ఆహ్వానం పలికినట్లు చెబుతున్నారు. అయితే తాను పిసిసి అధ్యక్షుడిగానే కొనసాగుతానని, మంత్రి పదవి వద్దని డిఎస్ స్ఫష్టం చేసినట్లు చెబుతున్నారు.

తాను శాసనసభ ఎన్నికల్లో ఓడిపోయినందున మంత్రి పదవి తీసుకోలేనని డిఎస్ చెప్పినట్లు సమాచారం. ఈ ఓటమి నేపథ్యంలో ఆయన పిసిసి అధ్యక్ష పదవికి రాజీనామా చేస్తారనే వార్తలు వచ్చాయి. అయితే డిఎస్ రాజీనామా చేయాల్సిన అవసరం లేదని, పార్టీ విజయంలో డిఎస్ పాత్ర ఉందని కాంగ్రెస్ ఆంధ్రప్రదేశ్ వ్యవహారాల ఇంచార్జీ వీరప్పమొయిలీ అన్నారు. దీంతో డిఎస్ పిసిసి అధ్యక్షుడిగానే కొనసాగాలని నిర్ణయించుకున్నట్లు తెలుస్తోంది.