టిడిఎల్పీ నేతగా బాబు ఎన్నిక

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు తెలుగుదేశం లెజిస్లేచర్ పార్టీ (టిడిఎల్పీ) నేతగా ఎన్నికయ్యారు. తెలుగుదేశం శాసనసభ్యులు గురువారం పార్టీ కార్యాలయం ఎన్టీఆర్ ట్రస్టు భవన్ లో సమావేశమై లాంఛనంగా తమ నేతగా చంద్రబాబును ఎన్నుకున్నారు. చంద్రబాబు పేరును అశోక్ గజపతిరాజు ప్రతిపాదించగా సత్యవతీ రాథోడ్ బలపరిచారు.

టిడిఎల్పీ ఉప నేతలుగా రాష్ట్రంలోని మూడు ప్రాంతాలకు ప్రాతినిధ్యం కల్పించాలనే ఆలోచనలో చంద్రబాబు ఉన్నారు. టిడిఎల్పీ ఉపనేతలుగా తెలంగాణ నుంచి నాగం జనార్దన్ రెడ్డి, రాయలసీమ నుంచి కెఇ కృష్ణమూర్తి, కోస్తా నుంచి అశోక్ గజపతిరాజు ఎంపికయ్యే అవకాశాలున్నాయి. పార్టీ విప్ గా రావుల చంద్రశేఖర రెడ్డి ఎంపికయ్యే అవకాశం ఉంది.