వాస్తు దోషం: చిరు ద్వారం మార్పు

హైదరాబాద్: వాస్తు ప్రకారం పార్టీ కార్యాలయ నిర్మాణాన్ని మార్చే పనిలో చిరంజీవి నాయకత్వంలోని ప్రజారాజ్యం పార్టీ పడింది. అందులో భాగంగా అధినేత చిరంజీవి ప్రవేశించే, బయటకు వెళ్లే మార్గాలను సైతం మార్చేశారు. గతంలో తూర్పు దిక్కున ఉన్న ప్రధాన ద్వారం నుంచి చిరంజీవి వాహనం లోనికి ప్రవేశించేది.

నేరుగా పార్టీ కార్యాలయం వెనకవైపు ఉత్తరం దిక్కున ఉన్న ద్వారం నుంచి ఆయన ఆఫీసులోకి ప్రవేశించేవారు. తాజాగా దీన్ని మార్చేసి నైరుతి దిక్కున ఉన్న మరో ప్రధాన ద్వారం ద్వారా చిరంజీవి కార్యాలయ ఆవరణలోకి ప్రవేశించి, నిష్క్రమించే విధంగా ఏర్పాటు చేశారు. జెండా దిమ్మెలు, బాత్‌ రూం విషయాల్లో సైతం మార్పులు చేయాలని నిర్ణయించారు. ఈ మార్పులు చేర్పులను అల్లు అరవింద్‌ బుధవారం పర్యవేక్షించారు.