కెసిఆర్ సొత్తు కాదు: నారాయణ

హైదరాబాద్: తెలంగాణ ఉద్యమం తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు సొత్తు కాదని సిపిఐ కార్యదర్శి కె.నారాయణ అన్నారు. తెలంగాణ రాష్ట్రం కావాలని ప్రజలు కోరుతుంటే దాన్ని కొంత మంది అమ్ముకుంటున్నారని ఆయన అన్నారు. కెసిఆర్ లేకపోతే తెలంగాణ ఉద్యమం ఉండేది కాదని ముఖ్యమంత్రి డాక్టర్ వైయస్ రాజశేఖర రెడ్డి అనడాన్ని ఆయన వ్యతిరేకించారు. ఆయన శుక్రవారం మీడియా ప్రతినిధుల సమావేశంలో మాట్లాడారు.

మంగళగిరిలో తమకు అన్యాయం జరిగిందని ఆయన అన్నారు. ప్రస్తుత ఎన్నికల నుంచి సిపిఎం గుణపాఠం నేర్చుకోవాలని ఆయన సూచించారు. సిపిఎం తన వైఖరి మార్చుకుంటే మంచిదని ఆయన చెప్పారు. రాష్ట్రవ్యాప్తంగా తాము ఉద్యమాలు చేపడతామని ఆయన అన్నారు. ఎన్నికల ఫలితాలపై విశ్లేషించడమే కాకుండా భవిష్యత్తు ఆందోళనా కార్యక్రమాలను కూడా సమావేశంలో రూపొందించుకుంటామని ఆయన చెప్పారు.