మన్మోహన్ ప్రమాణానికి డిఎంకె హాజరు

న్యూఢిల్లీ‌: ప్రభుత్వంలో చేరకూడదని నిర్ణయించుకున్నప్పటికీ తాము ప్రధాని డాక్టర్ మన్మోహన్ సింగ్ ప్రమాణ స్వీకారోత్సవానికి తమ పార్లమెంటు సభ్యులు హాజరవుతారని డిఎంకె పార్లమెంటరీ పార్టీ నాయకుడు టిఆర్ బాలు శుక్రవారం మీడియా ప్రతినిధులతో చెప్పారు. మంత్రి పదవుల విషయంలో కాంగ్రెసు ఫార్ములా గురించి ప్రశ్నించగా నిన్న విషయానికి భిన్నంగా చెప్పే కొత్త విషయమేమీ లేదని ఆయన అన్నారు.

మంత్రి పదవులపై, శాఖలపై 2004లో ఏ విధమైన ఫార్ములా లేదని టిఆర్ బాలు గురువారం చెప్పారు. కాంగ్రెసుతో చర్చలు విఫలం కావడంపై డిఎంకె ఆందోళనగా ఉందా అని అడిగితే తమకు ఏ విధమైన ఆందోళన లేదని, తాము మిత్రులమేనని ఆయన సమాధానమిచ్చారు. తమ పార్టీ యుపిఎ ప్రభుత్వానికి వెలుపలి నుంచి మద్దతు ఇస్తుందని కరుణానిధి అంతకు ముందు చెప్పిన విషయం తెలిసిందే.