వైయస్ కొలువులో మంత్రులు వీరే

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి తన మంత్రి వర్గ సభ్యుల జాబితాలో ఢిల్లీలో ఉన్నారు. ఆయన శుక్రవారంనాడు కాంగ్రెసు అధ్యక్షురాలు సోనియా గాంధీని కలిసి జాబితాకు ఆమోద ముద్ర వేయించుకునే అవకాశం ఉంది. రాజశేఖర రెడ్డి శుక్రవారం సాయంత్రం మన్మోహన్ సింగ్ ప్రమాణ స్వీకారోత్సవానికి హాజరవుతారు. ఈ నెల 25వ తేదీన వైయస్ రాజశేఖర రెడ్డి మంత్రి వర్గ సభ్యులు ప్రమాణ స్వీకారం చేస్తారు. ఐదు జిల్లాలకు మంత్రి వర్గంలో చోటు దక్కకపోవచ్చు. తొలి విడత 20కి కొంచెం పైగా వైయస్ రాజశేఖర రెడ్డి మంత్రులను తీసుకునే అవకాశం ఉంది. తద్వారా విస్తరణకు అవకాశం ఉంచుకోవాలనేది ఆయన ఉద్దేశం. స్పీకర్ పదవి మెదక్ జిల్లాకు చెందిన జె.గీతారెడ్డికి గానీ నల్లగొండ జిల్లాకు చెందిన ఉత్తమ్ కుమార్ రెడ్డికి గానీ దక్కే అవకాశం ఉంది.

రాష్ట్ర మంత్రి వర్గంలో చోటు దక్కే అవకాశం ఉన్న శాసనసభ్యులు, శాసనమండలి సభ్యులు పేర్లు ఇలా ఉన్నాయి -

శ్రీకాకుళం జిల్లా - ధర్మాన ప్రసాద రావు, శత్రుచర్ల పేరు కూడా పరిశీలనలో ఉంది.
విజయనగరం జిల్లా - బొత్సా సత్యనారాయణ
విశాఖ జిల్లా - బాలరాజు
తూర్పు గోదావరి జిల్లా - పిల్లి సుభాష్ చంద్రబోస్
పశ్చిమ గోదావరి జిల్లా - వట్టి వసంత కుమార్
గుంటూరు జిల్లా - శ్రీనివాస్ రెడ్డి, మోపిదేవి, గొట్టిపాటి రవికుమార్ పేరు కూడా పరిశీలనలో ఉంది.
చిత్తూరు జిల్లా - గల్లా అరుణ కుమారి, కిరణ్ కుమార్ రెడ్డి
కడప జిల్లా - అహ్మదుల్లా, ఏరాసు ప్రతాపరెడ్డి పేరు కూడా పరిశీలనలో ఉంది.
అనంతపురం జిల్లా - జెసి దివాకర్ రెడ్డి, రఘువీరా రెడ్డి
కరీంనగర్ జిల్లా - టి. జీవన్ రెడ్డి, శ్రీధరబాబు పేరు కూడా పరిశీలనలో ఉంది. ఎమ్మెల్సీ రుద్రరాజుకు కూడా మంత్రి పదవి దక్కవచ్చు.
వరంగల్ జిల్లా - పొన్నాల లక్ష్మయ్య
రంగారెడ్డి జిల్లా - సబితా ఇంద్రారెడ్డి
నల్లగొండ జిల్లా - జానారెడ్డి, కోమటి రెడ్డి వెంకటరెడ్డి