టైగర్ ప్రభాకరన్ అంత్యక్రియలు

కొలంబో‌: తమిళ టైగర్ల అధినేత వేలుపిళ్లై ప్రభాకరన్ భాతిక కాయానికి అంత్యక్రియలు జరిగాయి. ప్రభాకరన్ శవానికి శ్రీలంక భద్రతా బలగాలు అంత్యక్రియలు చేసినట్లు ఆర్మీ చీఫ్ శరత్ ఫోన్సికా ఒక పత్రికకు ఇచ్చిన ఇంటర్వ్యూలో చెప్పారు. ప్రభాకరన్ భౌతిక కాయం దొరికిన చోటనే అంత్యక్రియలు నిర్వహించి అస్తికలను సముద్రంలో కలిపినట్లు ఆయన తెలిపారు.

ప్రభాకరన్ మృతి చెందక ముందే తాము విజయం సాధించామని తనకు తెలుసునని, ప్రభాకరన్ మృతదేహం కనిపించడంతో ఎంతో ఆనందం వేసిందని ఆయన చెప్పారు. ఎల్టీటిఇ నాయకత్వమంతా హతమైందని ఆయన చెప్పారు. టైగర్ల ఇంటలిజెన్స్ చీఫ్ పొట్టు అమ్మన్, ప్రభాకరన్ భార్య మతివాదిని మృతదేహాలను గుర్తించలేకపోయారు.