టవర్‌ కూలి ఐదుగురి మృతి

ఆదిలాబాద్‌: నిర్మాణంలో ఉన్న ఓ విద్యుత్‌ టవర్‌ కుప్పకూలి అక్కడ పనిచేస్తున్న 5గురు కూలీలు మృతి చెందారు.మంచిర్యాల మండలం ముల్కాల వద్ద ఈరోజు టవర్‌ నిర్మాణంలో భాగంగా భూమిలో సిమెంట్‌ లైనింగ్‌ చేస్తుండగా అకస్మాత్తుగా టవర్‌ కుప్పకూలింది. దీంతో అందరూ శిథిలాల్లో చిక్కుకుని పోయారు. ఇప్పటికి 5 మృతదేహాలను బయటకు తీశారు. ఇందులో ముగ్గురు మహిళలు ఉండగా ఇద్దరు పురుషులు ఉన్నారు. వీరంతా మహబూబ్‌నగర్‌ జిల్లా దేవరకద్రకు చెందినవారు. తీవ్రంగా గాయపడిన పలువురిని 108లో ఆసుపత్రికి తరలించారు. శిథిలాలకింద ఇంకా 15 మంది ఉన్నట్లు భావిస్తున్నారు.