నేపాల్ పిఎంగా మాధవ్ ప్రమాణం

ఖాట్మండ్‌: నేపాల్ ప్రధాన మంత్రిగా కొత్తగా ఎన్నికైన మాధవ్ కుమార్ సోమవారం ప్రమాణ స్వీకారం చేశారు. తన నివాసం శీతల్ నివాస్ లో అధ్యక్షుడు డాక్టర్ రాం భరణ్ యాదవ్ ఆయన చేత ప్రమాణ స్వీకారం చేయించారు. ఉపాధ్యక్షుడు పరమానంద ఝా, కానిస్టిటుయెంట్ అసెంబ్లీ చైర్మన్ సుభాష్ చంద్ర నామ్ వాంగ్, వివిధ రాజకీయ పార్టీల నేతలు, భద్రతా సంస్థల అధిపతులు, ప్రభుత్వ శాఖల అధిపతులు, అంతర్జాతీయ దౌత్య ప్రతినిధులు ఈ కార్యక్రమానికి హాజరయ్యారు.

నేపాల్ ప్రధానిగా యుఎంఎల్ కు చెందిన మాధవ్ కుమార్ శనివారం ఏకగ్రీవంగా ఎన్నికయ్యారు. 56 ఏళ్ల మాధవ కుమార్ భారతదేశంలోని బీహార్ లో గల గోయెంకా కాలేజీ మాజీ విద్యార్థి. ఆయనకు 22 పార్టీలకు చెందిన 360 మంది సభ్యులు మద్దతు పలికారు. మావోయిస్టులకు చెందిన 238 సభ్యులు ఆయన ఎన్నిక సుముఖంగా లేరు.