జెసికి వైయస్ అనుమతి నిరాకరణ

హైదరాబాద్: మాజీ మంత్రి, కాంగ్రెసు శాసనసభ్యుడు జెసి దివాకర్ రెడ్డికి ముఖ్యమంత్రి డాక్టర్ వైయస్ రాజశేఖర రెడ్డి అనుమతి నిరాకరించారు. న్యూఢిల్లీ నుంచి తిరిగి వచ్చిన వైయస్ రాజశేఖర రెడ్డిని కలవడానికి జెసి దివాకర్ రెడ్డి వచ్చారు. అయితే వైయస్ అనుమతి ఇవ్వకపోవడంతో ఆయన నిరాశతో వెనుదిరిగారు. తనకు మంత్రి పదవి ఇవ్వడం లేదనే వార్తలు వస్తున్న నేపథ్యంలో జెసి దివాకర్ రెడ్డి ముఖ్యమంత్రిని కలవడానికి ప్రయత్నించారు.

తనకు మంత్రి పదవి ఇవ్వనందుకు ముఖ్యమంత్రి సమాధానం చెప్పాలని జెసి దివాకర్ రెడ్డి అంతకు ముందు మీడియా ప్రతినిధులతో అన్నారు. మంత్రి పదవి రానందుకు తానేమీ కృంగిపోవడం లేదని ఆయన అన్నారు. మంత్రుల ప్రమాణ స్వీకార కార్యక్రమానికి తాను వెళ్తానని ఆయన చెప్పారు.