ఆసీస్ డాక్టరేట్ కు అమితాబ్ నో

న్యూఢిల్లీ: ఆస్ట్రేలియాలో భారత విద్యార్థులపై జరుగుతున్న దాడులకు బాలీవుడ్ సూపర్ స్టార్ అమితాబ్ బచ్చన్ తీవ్రంగా ప్రతిస్పందించారు. ఆస్ట్రేలియాలోని క్వీన్స్ లాండ్ విశ్వవిద్యాలయం తనకు ఇచ్చిన గౌరవ డాక్టరేట్ ను ఆయన తిరస్కరించారు. వినోద రంగంలో చేసిన సేవలకు గాను బిస్బేన్ లోని క్వీన్స్ లాండ్ విశ్వవిద్యాలయం ఆయనకు గౌరవ డాక్టరేట్ ను ప్రకటించింది. దాన్ని తీసుకోవడానికి ఆయన అంతకు ముందు అంగీకరించారు.

జూలైలో ఆ డాక్టరేట్ ను ఆయన అందుకోవాల్సి ఉంది. భారతీయ విద్యార్థులపై జరుగుతున్న దాడుల పట్ల తాను తీవ్ర దిగ్భ్రాంతికి గురయ్యానని ఆయన చెప్పుకున్నారు. తనకు డాక్టరేట్ ఇస్తున్న విశ్వవిద్యాలయంపై తనకు అగౌరవ భావన ఏదీ లేదని, అయితే తన దేశం పౌరుల పట్ల జరుగుతున్న అమానుష సంఘటనల దృష్ట్యా దాన్ని అంగీకరించలేకపోతున్నానని ఆయన అన్నారు.