జెపి కాంగ్రెసు తోక: నన్నపనేని

హైదరాబాద్: లోకసత్తా అధ్యక్షుడు జయప్రకాష్ నారాయణ్ ను తెలుగుదేశం పార్టీ అధికార ప్రతినిధి నన్నపనేని రాజకుమారి కాంగ్రెసు తోకగా అభివర్ణించారు. జయప్రకాష్ నారాయణ్ కాంగ్రెసుకు అనుకూలంగా వ్యవహరిస్తున్నారని ఆమె శనివారం మీడియా ప్రతినిధుల సమావేశంలో విమర్శించారు. జయప్రకాష్ నారాయణ్ పార్టీకి కాంగ్రెసు నుంచే నిధులు అందుతున్నాయని ఆమె ఆరోపించారు.

జయప్రకాష్ నారాయణ్ కాంగ్రెసుకు అనుకూలంగా మాట్లాడడమే అందుకు నిదర్శనమని ఆమె అన్నారు. ప్రత్యక్షంగా, పరోక్షంగా జయప్రకాష్ నారాయణ్ కాంగ్రెసుకు సహకరిస్తున్నారని ఆమె అన్నారు. జయప్రకాష్ నారాయణ్ ఢిల్లీలో కాంగ్రెసు నాయకులను కలుస్తూ ఆ పార్టీకి అనుకూలంగా వ్యవహరిస్తున్నారని ఆమె అన్నారు.