డిప్యుటీ స్పీకర్‌ కండువాపై వివాదం

హైదరాబాద్‌: డిప్యూటీ స్పీకర్ నాదెండ్ల మనోహర్ కండువాపై మంగళవారం శాసనసభలో ఆసక్తికరమైన చర్చ జరిగింది. డిప్యుటీ స్పీకర్‌గా ఎన్నికైన సందర్భంగా ఆయనను అభినందిస్తూ వివిధ పార్టీల నేతలు మాట్లాడారు. ఈ సందర్భంగా మనోహర్‌ కండువాపై చర్చ సాగింది. మనోహర్‌ ను అన్ని పార్టీలు ఏకగ్రీవంగా బలపరిచినందున మనోహర్ అందరివాడుగా ఉండాలని ప్రజారాజ్యం నేత ఘంటా శ్రీనివాసరావు కోరారు. అయితే అందుకుగాను ఆయన ధరించిన కాంగ్రెస్‌ కండువా కొంత అడ్డుగా ఉందని, దాన్ని తీసివేస్తే బాగుంటుందని, ఇది తన వ్యక్తిగత సూచన మాత్రమే అని అన్నారు.

అసెంబ్లీలో డ్రస్‌కోడ్‌ అంటూ లేదని ఎవరినీ ఫలానా విధంగా ఉండమని కోరే హక్కు మరొకరికి లేదని ఆర్థిక మంత్రి కె. రోశయ్య అన్నారు. కండువా తీసివేయమనటం సబబు కాదన్నారు. నాదెండ్ల మనోహర్ కండువాపై మజ్లీస్ నేత అక్బరుద్దీన్ ఓవైసీ తదితరులు మాట్లాడారు.