మళ్లీ తండ్రి అవుతున్న అమీర్

ముంబయి: బాలీవుడ్ నటుడు అమీర్ ఖాన్ మరోసారి తండ్రి కాబోతున్నారు. అమీర్ ఖాన్, కిరణ్ రావు జంట సంతానాన్ని కనడానికి సిద్ధమైంది. అమీర్ ఖాన్ భార్య కిరణ్ రావు మూడు నెలల గర్భవతి అని తెలుస్తోంది. అమీర్ ఖాన్ కు మొదటి భార్య ద్వారా ఇద్దరు పిల్లలు కలిగారు. వారిలో కుమారుడు జునైద్ కాగా కూతురు ఇరా. కిరణ్ గర్భవతి అనే విషయాన్ని రహస్యంగా ఉంచాలని అనుకున్నారు. అయితే జ్వరంతో కిరణ్ బ్రీచ్ కాండీ ఆస్పత్రిలో చేరడంతో ఆ విషయం బయట పడింది.

కిరణ్ వారం రోజుల పాటు ఆస్పత్రిలో ఉన్న విషయాన్ని ఆస్పత్రి వర్గాలు ధృవీకరించాయి. ఆమె ఆరోగ్యం కుదుటపడిందని, గర్భం సాధారణంగానే ఉందని, ఏ విధమైన సమస్యలు లేవని ఆ వర్గాలు చెప్పాయి. కిరణ్ కోసం అమీర్ ప్రతి రోజు రాత్రి 9 గంటల ప్రాంతంలో ఆస్పత్రికి వచ్చేవాడు.