తన జీవితచరిత్రపై రెహ్మాన్ మండిపాటు

చెన్నై: తన అనధికార జీవిత చరిత్ర గ్రంథంపై సినీ సంగీత దర్శకుడు, ఆస్కార్ అవార్డు గ్రహీత ఎఆర్ రెహ్మాన్ మండిపడ్డారు. అధికారయుతమైన జీవిత చరిత్ర పేర తన జీవిత చరిత్రపై వచ్చిన పుస్తకం రెహ్మాన్ మనస్సులు తీవ్రంగా గాయపరిచింది. ఎఆర్ రెహ్మాన్ - ది మ్యూజికల్ స్టార్మ్ పేర వచ్చిన రెహ్మాన్ జీవిత చరిత్ర గ్రంథం వెలువడింది. దీనికి విస్తృతమైన ప్రచారం కూడా లభిస్తోంది.

అది తన అధికారయుత జీవిత చరిత్ర అనేది అబద్ధమని రెహ్మాన్ అన్నారు. ఈ పుస్తకాన్ని కామిని మథాయ్ రాశారు. రెహ్మాన్ స్టార్ డమ్ ను క్యాష్ చేసుకోవడానికి రాజకీయ నాయకులు, ఇతర వ్యక్తులు తీవ్రంగా ప్రయత్నాలు చేస్తున్నారు. జయహో పాటను కాంగ్రెసు తన ప్రచారానికి కూడా వాడుకుంది. తన స్టార్ డమ్ ను క్యాష్ చేసుకోవడం రెహ్మాన్ తెలియదనే వ్యాఖ్యలు కూడా వినిపిస్తున్నాయి.