సేవా కార్యక్రమాలు చేస్తా: ప్రిన్స్

హైదరాబాద్: తాను సేవా కార్యక్రమాలు చేపడతానని తెలుగు సినీ హీరో ప్రిన్స్ మహేష్ బాబు చెప్పారు. థమ్సప్ బ్రాడ్ అంబాసిడర్ గా వ్యవహరిస్తున్న మహేష్ బాబు గురువారం హైదరాబాదులోని లక్డీకాపూల్ లో ఆ సంస్థ తరఫున జరిగిన కార్యక్రమంలో పేద విద్యార్థులకు ఉపకార వేతనాలను చెక్కుల రూపంలో అందజేశారు. ఈ కార్యక్రమం సందడిగా జరిగింది. విద్యార్థులు మహేష్ బాబు ఆటోగ్రాఫ్ లు తీసుకున్నారు.

కష్టపడి చదివి మంచి ఉద్యోగాలు సంపాదించుకోవాలని మహేష్ బాబు విద్యార్థులకు సూచించారు. ఈ కార్యక్రమాన్ని మరింత విస్తృత పరచాలని, ఈ విషయంలో తాను థమ్సప్ సంస్థతో ఉంటానని ఆయన చెప్పారు. మరిన్ని యాడ్స్ లో అలరిస్తానని కూడా ఆయన చెప్పారు.