కుటుంబం కోసం కెసిఆర్ పార్టీ: దానం

హైదరాబాద్‌: కుటుంబ సభ్యుల కోసమే తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు పార్టీ పెట్టారని రాష్ట్ర వైద్య శాఖ మంత్రి దానం నాగేందర్ వ్యాఖ్యానించారు. కెసిఆర్ కు విశ్వసనీయత లేదని ఆయన గురువారం మీడియా ప్రతినిధులతో అన్నారు. గాంధీ ఆస్పత్రిలో జూనియర్ డాక్టర్లు సమ్మె చేస్తున్నందున ప్రత్యామ్నాయ ఏర్పాట్లు చేసినట్లు ఆయన తెలిపారు.

వైద్యులపై దాడి చేసినవారిని పోలీసులు అరెస్టు చేసినట్లు, వారిపై కేసులు పెట్టినట్లు ఆయన తెలిపారు. జూనియర్ డాక్టర్లు ఈ సాయంత్రానికి సమ్మె విరమిస్తారని ఆశిస్తున్నట్లు ఆయన చెప్పారు. ఈ మేరకు తాను జూనియర్ డాక్టర్లకు విజ్జప్తి చేస్తూ లేఖ రాసినట్లు కూడా ఆయన తెలిపారు. ఆస్పత్రుల్లో వైద్యుల రక్షణకు చర్యలు తీసుకుంటామని ఆయన చెప్పారు.