స్టాక్ మార్కెట్ కు బ్లాక్ మండే

ముంబయి: నేడు సెన్సెక్స్ 362 పాయింట్లు కోల్పోయింది. స్టాక్‌ మార్కెట్‌ కు ఈ రోజు మరో బ్లాక్‌ మండే. గత వారాంతంలో నష్టాలు చవిచూసిన స్టాక్‌ మార్కెట్‌ ఈ వారం ప్రారంభంలో కూడా అదే బాటలో నడిచింది. 362 పాయింట్లు కోల్పోయిన సెన్సెక్స్‌ 14,875 వద్ద స్థిరపడింది. నేషనల్‌ స్టాక్‌ ఎక్ఛ్సేంజ్‌ నిఫ్టీ కూడా నష్టాలనే చవి చూసింది. 99 పాయింట్లు కోల్పోయిన నిఫ్టీ 4,484 పాయింట్లకు చేరింది.

రిలయన్స్‌ ఇన్‌ ఫ్రా, రాష్ట్రీయ కెమికల్స్‌, జైక్రాప్‌, చెంబల్‌ ఫర్టిలైజర్‌, రిలయన్స్‌ పవర్‌, భారత్‌ పెట్రోలియం, హిందూస్థాన్‌ పెట్రోలియం, సిండికేట్‌ బ్యాంక్‌ తదితర షేర్లు లాభపడగా, ఇండియా ఇన్ఫోలైన్‌, జీవీకే పవర్‌ ఇన్ఫాస్ట్రక్చర్‌, రిలయన్స్‌ ఇండ్రస్ట్రీస్‌, ఓల్టాస్‌ మొదలైనవి నష్టాలు చవిచూశాయి.