లాల్ గడ్ కు చేరిన భద్రతా బలగాలు

పిరాకాట (పశ్చిమ బెంగాల్): మావోయిస్టులపై దాడికి దిగిన భద్రతా బలగాలు శనివారం లాల్ గడ్ కు చేరుకున్నాయి. లాల్ గడ్ పోలీసు స్టేషనును మావోయిస్టుల మద్దతు ఉన్న గిరిజనుల నుంచి భద్రతా బలగాలు స్వాధీనం చేసుకున్నాయి. సిఆర్పీఎఫ్, బిఎస్ ఎఫ్, రాష్ట్ర సాయుధ బలగాలు, ఈస్టర్న్ ఫ్రాంటియర్స్ రైఫిల్స్, కోల్ కత్తా పోలీసు బలగాలు మావోయిస్టుల ప్రాబల్యం ఉన్న ఝిక్తా అడవిని దాటి లాల్ గడ్ లోకి ప్రవేశించాయి.

మందుపాతర నిరోధ వాహనాల్లో బలగాలు ముందుకు సాగుతున్నాయి. నాలుగు బృందాలుగా విడిపోయి బలగాలు ఒక్కొక్క అడుగే ముందుకు వేస్తున్నాయి. గత రెండు రోజులుగా బలగాలు గిరిజనుల, మావోయిస్టుల స్వాధీనంలో ఉన్న లాల్ గడ్ ను విముక్తం చేయడానికి ప్రయత్నిస్తున్న విషయం తెలిసిందే. బలగాలకు గిరిజనుల నుంచి పెద్దగా ప్రతిఘటన ఎదురు కాలేదు. శుక్రవారం గిరిజనులు ఒక వంతెనను కూల్చివేశారు. మందుపాతరను పెట్టారు.