పార్టీ పదవులకు రాములమ్మ రాజీనామా

హైదరాబాద్: పార్లమెంటు సభ్యురాలు విజయశాంతి తెలంగాణ రాష్ట్ర సమితి (తెరాస) పార్టీ పదవులకు రాజీనామా చేశారు. పార్టీ సెక్రటరీ జనరల్, రాజకీయ వ్యవహారాల కమిటీ చైర్ పర్సన్ పదవికి ఆమె రాజీనామాలు చేశారు. పార్టీ అధ్యక్ష పదవికి కె.చంద్రశేఖర రావు రాజీనామా చేసిన నేపథ్యంలో ఆమె కూడా పార్టీ పదవులకు రాజీనామా చేశారు.

ఎన్నికల్లో ఘోర వైఫల్యం వల్ల గత నెలరోజులుగా కొనసాగుతున్న పార్టీ సంక్షోభం కెసిఆర్ రాజీనామాకు దారి తీసింది. కెసిఆర్ ను విజయశాంతి సమర్థిస్తూ వస్తున్నారు. కాగా, రాజీనామా ఉపసంహరించుకోవాలని కెసిఆర్ ను ఆయన మద్దతుదారులు కోరుతున్నారు. రాజీనామా ఉపసంహరించుకోవాలని తెరాస నాయకులు తెలంగాణ భవన్ వద్ద ధర్నాకు దిగారు.