తాలిబాన్ నేత బైతుల్లా ప్రత్యర్థి హత్య

పెషావర్: పాకిస్తానీ తాలిబాన్ నాయకుడు బైతుల్లా మెహసూద్ ప్రత్యర్థి అయిన పాకిస్తానీ మిలిటెంట్ కమాండర్ ను సాయుధులు మంగళవారం కాల్చి చంపారు. కాల్పుల్లో మరణించిన మిలిటెంట్ కమాండర్ ఖారీ జియానుద్దీన్ ఇటీవల బైతుల్లాను వ్యతిరేకిస్తూ ప్రకటన చేశారు. డేరా ఇస్మాయిల్ ఖాన్ పట్టణంలో ఈ హత్య జరిగింది.

ఖారీ జియానుద్దీన్ ను కాల్చి చంపిన విషయాన్ని పోలీసు సూపరిండెంట్ సలహాద్దీన్ ధృవీకరించారు. ఈ హత్య వెనక ఎవరున్నారనేది తెలియదు. మిలిటెంట్లు వివిధ గ్రూప్ ల కింద విడిపోయారు. మెహసూద్ పై దాడికి ప్రభుత్వం సైన్యాన్ని ఆదేశించింది.