ఉత్తరాఖండ్ సిఎం ఖండూరి ఔట్?

న్యూఢిల్లీ: ఉత్తరాఖండ్ ముఖ్యమంత్రి బిసి ఖండూరిని భారతీయ జనతా పార్టీ (బిజెపి) అధిష్ఠానవర్గం తప్పించే అవకాశాలున్నాయి. లోకసభ ఎన్నికల్లో రాష్ట్రంలో పార్టీ విఫలం కావడంతో బిజెపి నాయకత్వం ముఖ్యమంత్రి పదవి నుంచి ఖండూరిని తప్పించాలని నిర్ణయించుకున్నట్లు సమాచారం. ఖండూరి ప్రస్తుతం ఢిల్లీలోనే ఉన్నారు.

పార్టీ అగ్రనేత ఎల్ కె అద్వానీ నివాసంలో జరిగిన పార్టీ సీనియర్ నేతల సమావేశంలో ఖండూరిని తప్పించాలని నిర్ణయం తీసుకున్నట్లు తెలుస్తోంది. ఈ సమావేశానికి బిజెపి అధ్యక్షుడు రాజ్ నాథ్ సింగ్ కూడా హాజరయ్యారు. కొత్త ముఖ్యమంత్రిగా ప్రకాష్ పంత్ గానీ, రమేష్ పొఖ్రియాల్ గానీ నియమితులయ్యే అవకాశం ఉంది.