ఉత్తరాఖండ్‌ సీఎం ఖండూరి రాజీనామా

న్యూఢిల్లీ: ఉత్తరాఖండ్‌ రాష్ట్ర ముఖ్యమంత్రి పదవికి బి.సి.ఖండూరీ రాజీనామా చేశారు. తన రాజీనామాను పార్టీ అధ్యక్షుడు రాజనాథ్‌ సింగ్‌ ఆమోదించారు. బిజెపి సీనియర్‌ నాయకుడు ఎల్‌.కె.అద్వానీ నివాసంలో అధ్యక్షుడు రాజనాథ్‌ సింగ్‌ పార్టీ నేతలతో సమావేశమయ్యారు. చాలా కాలంగా ఖండూరీని పదవి నుంచి తప్పించాలన్న అసమ్మతి నేతల డిమాండ్‌పై చర్చించి ఈ నిర్ణయం తీసుకున్నారు.

ఇటీవల ఆ రాష్ట్ర ఎన్నికల్లో పార్టీ ఘోర పరాజయం పొందడంతో ఆయనపై వేటు పడింది. ఇటీవలి లోకసభ ఎన్నికల్లో బిజెపి ఒక్క సీటును గెలుచుకోలేకపోయింది. ముఖ్యమంత్రి రాజీనామా కోసం చాలా కాలంగా పార్టీలోని ఒక వర్గం డిమాండ్ చేస్తూ వస్తోంది.