కేరళ సిఎం అచ్యుతానందన్ కు అస్వస్థత

తిరువనంతపురం: కేరళ ముఖ్యమంత్రి విఎస్ అచ్యుతానందన్ అస్వస్థతకు గురయ్యారు. దీంతో ఆయనను బుధవారం ఒక ప్రైవేట్ ఆస్పత్రిలో చేర్చారు. రక్తంపోటులో మార్పు సంభవించినట్లు, ఆయన ఆరోగ్యం నిలకడగా ఉన్నట్లు వైద్యులు చెప్పారు. మితిమీరి పనిచేయడం వల్ల, ఎక్కువగా ప్రయాణం చేయడం వల్ల అలసిపోవడంతో ఈ సమస్య తలెత్తింది.

అచ్యుతానందన్ కు రెండు రోజుల విశ్రాంతి అవసరమని వైద్యులు చెప్పినట్లు ముఖ్యమంత్రి కార్యాలయం అధికార ప్రతినిధి చెప్పారు. సిపిఎం పోలిట్ బ్యూరో సమావేశంలో పాల్గొనేందుకు 86 ఏళ్ల ఆయన ఇటీవల ఢిల్లీ వెళ్లాల్సి వచ్చింది. మంగళవారం గంటల కొద్ది శాససనభలో కూర్చుకున్నారు.