తెలంగాణ రాములమ్మ చిటపటలు

శ్రీకాళహస్తి: ప్రముఖ సినీనటి, ఆ పార్టీ సెక్రటరీ జనరల్‌, రాజకీయ వ్యవహారాల అధ్యక్షురాలు, మెదక్‌ ఎంపీ విజయశాంతి మీడియా ప్రతినిధులపై చిటపటలాడారు.తెరాస సంక్షోభం గురించి ప్రశ్నించగా పాలిటిక్స్ పై నో కామెంట్ అని అంటూ కాస్తా చిటపటలాడారు. ఆమె మంగళవారం ఆలయ సందర్శనలో మునిగారు. చిత్తూరు జిల్లా శ్రీకాళహస్తిలో జ్ఞానప్రసూనాంబ సమేత శ్రీకాళహస్తీశ్వరుని దర్శించుకుని రాహుకేతు, సర్పదోష నివారణ పూజలు చేయించారు.

అందరూ చల్లగా ఉండాలని కోరుకుంటూ తాను దేవుళ్లకు మొక్కుతున్నానని ఆమె మీడియా ప్రతినిధలతో చెప్పారు. బుధవారం తన జన్మదినమని, దానికి ముందుగా అందరు దేవుళ్లనూ ద ర్శించుకోవాలన్న ఆకాంక్షతో ఆలయాలకు వెళుతున్నానని వివరించారు. ఈ మేరకు సోమవారం కాణిపాకం విఘ్నేశ్వరుడిని, మంగళవారం ముక్కంటిని దర్శించుకుని పూజలు చేసినట్లు తెలిపారు. ఒకనాటి ప్రముఖ నటీమణి కావడంతో శ్రీకాళహస్తి ఆలయంతో భక్తులంతా ఆమెతో కరచాలనం చేసేందుకు ఎగబడ్డారు. దర్శనానంతరం ఆలయాధికారులు ఆమె కు స్వామి అమ్మవార్ల శేష వస్త్రం, జ్ఞాపికలను బ హూకరించారు.