ఎగిరే కారు వచ్చేస్తోంది

న్యూయార్క్‌: ఎగిరే కారు వచ్చేస్తోంది. ఇద్దరు కూర్చోవటానికి చోటుండే ఈ కారు గంటకి 185 కిలోమీటర్ల వేగంతో ఎగురుతూ వెళ్తుంది. 'గ్యాసోలీన్‌' ఇంధనంతో పని చేస్తుంది. ఒక్కసారి గాలిలోకి లేస్తే 725 కిలోమీటర్ల దూరం వెళ్లవచ్చు. ఎలాంటి రోడ్లపైనైనా నడిపించవచ్చు. వాతావరణం బాగా లేకపోతే కిందకి దిగటం, ఎగరటం ప్రస్తుతం పైలెట్లు ఎదుర్కొంటున్న సమస్య. కానీ ఎలాంటి వాతావరణంలోనైనా ఇది రెక్కలు ముడుచుకుని దగ్గర్లోని విమానాశ్రయంలో సురక్షితంగా దిగిపోతుంది.

టెరాఫ్యూజియా సంస్థ రూపొందించిన ఈ రెక్కల కారు 2011 నాటికి అందుబాటులోకి వస్తుందని కంపెనీ సీఈవో కార్ల్‌ డైట్రిచ్‌ పేర్కొన్నారు. 'ది ఫ్త్లెయింగ్‌ కార్‌'గా పేరుపెట్టిన ఈ రెక్కల గుర్రాన్ని సొంతం చేసుకోవాలంటే సుమారు రూ.కోటి ఖర్చు చేయాల్సిందే. రోడ్డు మీద మామూలు కారులా వెళ్తుంది. అవసరమనుకుంటే రెక్కలు విచ్చుకుని గాలిలోకి ఎగిరించి ప్రయాణించవచ్చు.