ఉయ్యాలవాడ నరసింహారెడ్డిగా చిరు?

హైదరాబాద్: ప్రజారాజ్యం పార్టీ అధినేత, మెగాస్టార్ చిరంజీవి తిరిగి సినిమాల్లో నటించే అవకాశం ఉంది. చిరంజీవి తనయుడు రామ్ చరణ్ తేజ, కాజల్ జంటగా నటించిన మగధీర సినిమా ఆడియో క్యాసెట్ విడుదల కార్యక్రమంలో అందుకు తగిన సూచనలు కనిపించాయి. చిరంజీవి ఒక్క సినిమానైనా చేయాలని వేదికపై వక్తలు విజ్ఞప్తులు వచ్చాయి. దానికి చిరంజీవి నేరుగా సమాధానం చెప్పకపోయినప్పటికీ ఆయన సినిమాలో నటించే అవకాశాలు మాత్రం ఉన్నట్లు తెలుస్తోంది.

సినిమాల్లో నటించాలని అందరూ అడుగుతున్నారని, పరిస్థితులు కమ్ముకొస్తే అప్పుడు ఆ విషయం చెప్తానని, పరిస్థితులు ఎలా వస్తాయో చెప్పలేదని చిరంజీవి అన్నారు. రాజకీయాల్లో ఉన్న ఏడాది పాటు సినిమాల గురించి ఆలోచన రాలేదని ఆయన అన్నారు. తన కుమారుడు తన కన్నా బాగా చేయగలడని ఆయన అన్నారు. చిరంజీవి ఒక్క సినిమానైనా చేయాలని దర్శకుడు రాజమౌళి అన్నారు. చిరంజీవి ఒక్క సినిమానైనా చేయాలని, ప్రజాసేవ చేస్తూ సినిమాల్లో నటించవచ్చునని, చిరంజీవి నటిస్తానంటే ఉయ్యాలవాడ నర్సింహారెడ్డి కథ సిద్ధంగా ఉందని పరచూరి వేంకటేశ్వర రావు అన్నారు.