జాక్సన్ మృతిపై క్రిమినల్ దర్యాప్తు

లండన్: పాప్ స్టార్ మైఖెల్ ఆకస్మిక మృతిపై క్రిమినల్ దర్యాప్తు ప్రారంభించినట్లు ఆయన కుటుంబ న్యాయవాది చెప్పారు. మృతికి కారణమైన వారిని శిక్షించకపోతే న్యాయపోరాటానికి దిగాలని జాక్సన్ కుటుంబం ఆలోచిస్తున్నట్లు అటోర్నీ బ్రెయిన్ ఆక్స్ మాన్ చెప్పారు. కుటుంబ సభ్యులు జాక్సన్ భౌతిక కాయానికి వైద్య పరీక్షలు చేసినట్లు, తద్వారా సాక్ష్యాన్ని కూడగట్టుకుని న్యాయపోరాటం చేయాలని అనుకుంటున్నట్లు చెప్పారు.

లాస్ ఏంజెల్స్ పోలీసు డిపార్టుమెంటు క్రిమినల్ దర్యాప్తు ప్రారంభించడం కొత్త పరిణామమని బ్రిటిష్ టాబ్లాయిడ్ రాసింది. జాక్సన్ వ్యక్తిగత వైద్యుడు కొన్రాడ్ ముర్రేను పోలీసులు ఈ నెల 27వ తేదీన ప్రశ్నించారు. ముర్రే జాక్సన్ కు పొటెంట్ పెయిన్ కిల్లర్ డిమెరోల్ ఇచ్చినట్లు అనుమానిస్తున్నారు. జాక్సన్ మృతిపై అనుమానాలు వ్యక్తమవుతున్న విషయం తెలిసిందే.