ఎంఎన్ ఎస్ నేత రాజ్ థాకరే అరెస్టు

ముంబై: మహారాష్ట్ర నవ నిర్మాణ సేన (ఎంఎన్ ఎస్) అధినేత రాజ్ థాకరేను సోమవారం పోలీసులు అరెస్టు చేశారు. 2008లో రైల్వే నియమకాల కోసం పరీక్షలు జరుగుతున్న సమయంలో ఉత్తర భారతీయులపై దాడి చేశారనే ఆరోపణతో నమోదైన కేసులో రాజ్ థాకరే కల్యాణ్ కోర్టులో లొంగిపోయారు. లొంగిపోయిన వెంటనే పోలీసులు ఆయనను అదుపులోకి తీసుకున్నారు.

కోర్టు ముందు లొంగిపోవాలని బొంబాయి హైకోర్టు ఈ నెల 16వ తేదీన రాజ్ థాకరేను ఆదేశించింది. దీంతో ఆయన సోమవారం లొంగిపోయారు. రాజ్ థాకరే లొంగిపోతున్నట్లు చెబుతూ దరఖాస్తుతో ఆయన భార్య ఆయనతో పాటు వచ్చారు. రాజ్ ను కల్యాణ్ రైల్వై పోలీసు స్టేషనుకు తీసికెళ్లారు. థాకరే తరఫు న్యాయవాది బెయిల్ పిటిషన్ దాఖలు చేశారు.