మాయవతికి సుప్రీంకోర్టు నోటీసు

న్యూఢిల్లీ‌: ముఖ్యమంత్రి మాయావతి నేతృత్వంలోని ఉత్తరప్రదేశ్ ప్రభుత్వానికి సుప్రీంకోర్టు సోమవారం నోటీసు జారీ చేసింది. రాష్ట్రాభివృద్ధికి ఉద్దేశించిన నిధులను విగ్రహాల స్థాపనకు ఖర్చు పెట్టిన కేసులో సుప్రీంకోర్టు ఈ నోటీసు జారీ చేసింది. ముఖ్యమంత్రి మాయావతికి కూడా సుప్రీంకోర్టు ఆ నోటీసు జారీ చేసింది.

సొంత విగ్రహాల స్థాపనకు మాయావతి వేయి కోట్ల రూపాయలు ఖర్చు చేస్తున్నారని కేంద్ర హోం మంత్రి పి.చిదంబరం గత రాత్రి విమర్శించారు. ఆ మొత్తాన్ని ప్రజలకు కనీస సౌకర్యాలు కల్పించడానికి ఖర్చుచేసి పేదరిక నిర్మూలనకు దోహదం చేయవచ్చునని ఆయన అన్నారు. మాయావతి చర్య భారత రాజకీయాలకు సిగ్గుచేటు అని ఆయన అన్నారు. 15 కాన్షీరాం, తన విగ్రాహాలను మాయావతి గత వారం ఆవిష్కరించారు.