తల్లికి, పిల్లలకు జాక్సన్ ఎస్టేట్

వాషింగ్టన్‌: తన ఎస్టేట్ ను పాప్ స్టార్ మైఖెల్ జాక్సన్ తన తల్లికి, పిల్లలకు, ఒకటి లేదా ఎక్కువ చారిటీలకు పంచుతూ విల్లు రాసినట్లు వాల్ స్ట్రీట్ జర్నల్ మంగళవారం ఒక వార్తను ప్రకటించింది. అయితే జాక్సన్ విల్లులో తండ్రి జోసెఫ్ జాక్సన్ పేరు లేదని ఆ వార్తా కథనం తెలిపింది. జాక్సన్ న్యాయవాది ఒకరు ఆ విల్లును గురువారం లాస్ ఏంజెల్స్ లోని సుపీరియర్ కోర్టుకు సమర్పించే అవకాశం ఉంది.

జాన్ బ్రాంకా, మ్యూజిక్ ఎగ్జిక్యూటివ్, జాక్సన్ మిత్రుడు జాన్ మెక్లెయిన్ ఆ విల్లును అమలు చేస్తారని ఆ పత్రిక రాసింది. బ్రాంకా జాక్సన్ వద్ద 1980 నుంచి 2006 వరకు పని చేశారు. జాక్సన్ ఆ విల్లును 2002లో రాసినట్లు ఒక పత్రిక వార్త రాసింది. అయితే ఎస్టేట్ విలువ కన్నా ఎక్కువ జాక్సన్ అప్పులున్నాయని ఆ పత్రిక రాసింది.