జాక్సన్ పిల్లల అసలు తండ్రి వైద్యుడు

లాస్ ఏంజెల్స్: ఇటీవల మృతి చెందిన పాప్ స్టార్ మైఖెల్ జాక్సన్ బయోలాజికల్ ఫాదర్ పై చెలరేగిన దుమారం ముదురుతోంది. జాక్సన్ ముగ్గురు పిల్లల తండ్రి లాస్ ఏంజెల్స్ కు చెందిన చర్మవ్యాధుల వైద్య నిపుణుడని ఒక వారపత్రిక రాసింది. జాక్సన్ ప్రిన్స్, పారిస్ తల్లి డెబ్బీ రోవేను పెళ్లి చేసుకున్నప్పటికీ వారి బయోలాజికల్ ఫాదర్ జాక్సన్ వైద్యుడు అర్నాల్డ్ క్లీన్ అని ఆ పత్రిక రాసింది. అందుకు సమర్థనగా వివిధ వర్గాల వాదనలను ఉటంకించింది.

వాస్తవాన్ని ఏ సమయంలోనూ వెల్లడించవద్దని ఒప్పందం కుదుర్చుకుని జాక్సన్, డెబ్బీ పెళ్లి చేసుకున్నారని జాక్సన్ సన్నిహిత వర్గాలు చెప్పినట్లు ఆ పత్రిక రాసింది. తన పిల్లల అసలు తండ్రి జాక్సన్ కాదని, కృత్రిమ గర్భధారణ ద్వారా తాను పిల్లలను కన్నానని డెబ్బీ కూడా చెప్పింది. ఆ పత్రిక వార్తా కథనం ఆ విషయాన్ని ధృవీకరిస్తోంది. జాక్సన్ పిల్లల బయోలాజికల్ తండ్రి తానే అని చెలరేగుతున్న వివాదంపై క్లీన్ మాట్లాడడానికి నిరాకరించారు.