నిజంగానే భర్త కోసం చూస్తున్నా: రాఖీ

న్యూఢిల్లీ: రాఖీ కా స్వయంవర్ కార్యక్రమం ద్వారా జీవిత భాగస్వామిని ఎన్నుకోవడానికి నిజాయితీగానే ప్రయత్నిస్తున్నానని బాలీవుడ్ నటి రాఖీ సావంత్ చెప్పారు. సంచలన వ్యాఖ్యల ద్వారా, కార్యక్రమాల ద్వారా ఎప్పుడు వార్తల్లో ఉండే రాఖీ సావంత్ - షో పబ్లిసిటీ స్టంట్ గానీ వినోదాత్మక ప్రదర్శన గానీ కాదని, నిజాయితీ జీవిత భాగస్వామి కోసం చూస్తున్నానని, తానేమిటో అర్థం చేసుకుని తనతో జీవితాన్ని పంచుకునే వ్యక్తి కోసం అన్వేషిస్తున్నానని ఆమె అన్నారు.

చాలా మంది సెలిబ్రీటీలకు మాదిరిగా తన వ్యాఖ్యలను కూడా చాలా సార్లు వక్రీకరించారని, తానేమిటో ఈ స్వయంవరం నిక్కచ్చిగా చెబుతుందని, అందరు ఆడపిల్లల మాదిరిగానే కుటుంబం, ప్రేమించే భర్త, పిల్లలు కావాలని తాను కోరుకుంటున్నానని ఆమె మీడియా ప్రతినిధులతో అన్నారు. ఆదర్శ భార్య కాగలగే లక్షణాలు తనలో ఉన్నాయని ఆమె చెప్పుకున్నారు.