కరీంనగర్ కు రహస్యంగా కెసిఆర్

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కేసీఆర్‌ శుక్రవారం సాయంత్రం పార్టీ ప్రధాన కార్యదర్శులు ఎస్‌.మధుసూదనాచారి, ఎస్‌.నిరంజన్‌ రెడ్డిలను వెంటబెట్టుకొని హఠాత్తుగా కరీంనగర్‌ వెళ్లారు. రెండు రోజులపాటు అక్కడే ఉండే అవకాశాలున్నాయి. కేసీఆర్‌ కరీంనగర్‌ వెళ్తున్న విషయం ఆ జిల్లాకు చెందిన ఒకరిద్దరికి తప్ప పార్టీ ముఖ్యలెవరికీ తెలియదని అంటున్నారు.

కేసీఆర్‌ కరీంనగర్‌ సహా ఉత్తర తెలంగాణ జిల్లాల్లో పార్టీ పరిస్థితిని సమీక్షించే అవకాశం ఉందని అంటున్నారు. ఖాళీగా ఉన్న పార్టీ జిల్లా అధ్యక్ష స్థానాలపై కసరత్తు జరపవచ్చని తెలుస్తోంది. తాను ఎంపీగా ఎన్నికైన మహబూబ్‌ నగర్‌ కు ఇంతవరకు వెళ్లని కేసీఆర్‌ కరీంనగర్‌ వెళ్లటం చర్చనీయాంశమైంది.