టెలిఫోన్‌ ఎక్చేంజీలో అగ్నిప్రమాదం

కోల్ కత్తా: కోల్ కత్తా హంగర్‌ఫోర్డ్‌ స్ట్రీట్‌లోని టెలిఫోన్‌ ఎక్చేంజీలో భారీ అగ్నిప్రమాదం సంభవించింది. ఈ సంఘటనతో 70 వేల ల్యాండ్‌ లైన్‌ ఫోన్లకు, 10 వేల బ్రాడ్‌ బాండ్‌ సర్వీసులకు అంతరాయం ఏర్పడింది. ఈ అగ్ని ప్రమాదం మంగళవారం రాత్రి సంభవించింది.

ఈ ప్రమాదం వల్ల సర్కస్ టెలిఫోన్ ఎక్స్ ఛేంజీ పరిధిలోని 55 రిమోట్ శాటిలైట్ ఎక్స్ చేంజీలకు కూడా నష్టం వాటిల్లిందని బిఎస్ ఎన్ ఎల్ అధికార ప్రతినిధి చెప్పారు. మంటలను అర్పడానికి 15 ఫైర్ టెండర్స్ పని చేశాయి. ప్రాణనష్టమేమీ సంభవించలేదు.