వరుణ్ భద్రతకు చర్యలు: చిదంబరం

న్యూఢిల్లీ: భారతీయ జనతా పార్టీ (బిజెపి) యువ పార్లమెంటు సభ్యుడు వరుణ్ గాంధీ భద్రతకు ప్రభుత్వం అన్ని చర్యలూ తీసుకుంటుందని కేంద్ర హోం మంత్రి పి.చిదంబరం చెప్పారు. వరుణ్ గాంధీకి తగిన భద్రత కల్పించడం లేదని బిజెపి చేసిన విమర్సను ఆయన ఖండించారు. నిఘా సంస్థల సమాచారం మేరకు వరుణ్ భద్రతకు చర్యలు తీసుకుంటామని ఆయన చెప్పారు.

వరుణ్ గాంధీకి భద్రత కల్పించే విషయంలో ప్రభుత్వం నుంచి సంతృప్తికరమైన, హేతుబద్దమైన సమాధానం రాలేదని బిజెపి డిప్యూటీ లీడర్ సుష్మా స్వరాజ్ చేసిన విమర్శకు ఆయన స్పందించారు. వరుణ్ గాంధీ మార్చి 20వ తేదీన రాసిన లేఖకు ప్రభుత్వం చర్యలు చేపట్టిందని ఆయన చెప్పారు. వరుణ్ గాంధీ భద్రతపై కాలానుగుణంగా సమీక్షిస్తామని ఆయన చెప్పారు.