రాఖీ పెళ్లికి రు.30 లక్షల నెక్లెస్

న్యూఢిల్లీ: బాలీవుడ్ నటి రాఖీ సావంత్ పెళ్లికి 30 లక్షల రూపాయల విలువ చేసే నెక్లెస్ సిద్ధమైంది. దీన్ని ఫర్ఙా అలీ ఖాన్ డిజైన్ చేశారు. అలాగే ఆమె పెళ్లికి ధరించే లంగా - చోలీని సెలిబ్రిటీ డిజైనర్ నీతా లుల్లా డిజైన్ చేశారు. రాఖీ సావంత్ పెళ్లి వేడుకను రియాల్టీ షో ద్వారా దేశవ్యాప్తంగా లక్షలాది మంది వీక్షించనున్నారు.

రాఖీ కా స్వయంవర్ ద్వారా ఆమె తన వరుడ్ని ఎంపిక చేసుకుంటుంది. న్యూఢిల్లీ, ముంబై, హృషికేష్, జైపూర్, కాన్పూర్ ల నుంచి ఇప్పటి వరకు 9 మంది పెళ్లి కొడుకులు వచ్చారు. టోరంటో నుంచి కూడా పెళ్లి కొడుకు వచ్చి రాఖీ సావంత్ ను పెళ్లి చేసుకోవాలని తపన పడుతున్నాడు.