దత్తాత్రేయ సహా బిజెపి నేతల అరెస్టు

హైదరాబాద్: పెట్రోల్, డీజిల్, నిత్యావసర సరుకుల ధరల పెరుగుదలను నిరసిస్తూ భారతీయ జనతా పార్టీ (బిజెపి) శనివారం గవర్నర్ కార్యాలయం రాజభవన్ ను ముట్టడించారు. దీంతో పోలీసులు దత్తాత్రేయ, కిషన్ రెడ్డి, బద్దం బాల్ రెడ్డి వంటి బిజెపి నాయకులను పోలీసులు అరెస్టు చేశారు. బిజెపి రాజభవన్ ముట్టడి కార్యక్రమాన్ని పోలీసులు అడ్డుకున్నారు.

బిజెపి నాయకులు, కార్యకర్తలు ప్రభుత్వానికి వ్యతిరేకంగా నినాదాలు చేస్తూ హైదరాబాదులోని ఖైరతాబాదులో బైఠాయించారు. దీంతో ట్రాఫిక్ కు తీవ్ర అంతరాయం ఏర్పడింది. ప్రభుత్వం నిత్యావసర ధరలను అదుపు చేయడంలో విఫలమైందని బిజెపి నాయకులు విమర్శించారు.